Taringot tu na Mandok Umpasa

-
  1. molo naeng mandok umpasa hita sai jumolo ma tadok:
    "Sai dilehon Tuhanta par denggan basa i ma di hamu songon na nidok ni umpas on". Baru tadok ma umpasa na i.
  2. ise do na patut mandok Umpasa pasu-pasu?
    somalna najolo, holan hulahula do sidok angka Umpasa pasu-pasu tu parboruonna, natoras tu ianakkonna, haha tu angka anggina. Jadi ndang boi mandok Umpasa pasu-pasu tu hulahula na. Alai, molo ikkon dohonon do, boi ma jolo dilapik hata na, jala didok: "Santabi di Hulahula nami, ndada na naeng mamasu-masu hami, raja nami, ia hudok pe angka Umpasa on, na songon tangiang pangidoan nami do i tu Amanta Debata". Dungi boi ma didok angka Umpas i.      
    Alai, ndada pola lapihon hata ianggo di tingki na mandok angka Umpasa na mardomu tu na mangampu do, rupani:

    Turtu ma ninna anduhur, tio ma ninna lote.
    Angka pasu-pasu muna i sai unang muba, unang ma mose.
  3. ingkon maratur do dohonon Umpasa i.
    Molo torop do angka umpasa na naeng dohonon, ingkon jagaon do asa maratur parjojor ni angka umpasa i hinatahon. Unang rupani pinungka mandok umpasa:

    Andor hadumpang togu-togu ni lombu.
    Sai sarimatua ma hamu sahat tu mengiring-iring pahompu

    Dung i niudut dohot umpasa:

    Giring-giring gosta-gosta.
    Sai tibu ma hamu mangiring-iring jala mangompa-ompa.

    Ndang denggan be parjojorna molo nungnga songon i nidok.

    Tar songon na di toru on ma binahen parjojor ni angka Umpasa i:

    Tu na baru marbagas:

  • Umpasa asa togu parsaripeon nasida
    Bagot na mararirang di toruna panggonggonan;
    Badan muna ma na so ra sirang, tondi muna masigom-goman
  • Umpasa hagabeon
    Bintang ma na rumiris tu ombun na sumorop;
    Anak pe di hamu sari riris, boru pe antong torop
  • Umpasa asa maradong
    Urat ni nangka ma tu urat ni hotang;
    Ba tudia pe hamu mangalangka, ba sai disi ma hamu dapotan pansamotan
  • Umpasa asa sai didongani Tuhanta nasida
    Eme si tambatua parlinggoman ni si borok;
    Dilehon Tuhanta ma di hamu tua, jala sai hot ma hamu diparorot.
  • Umpasa panutup
    Sahat-sahat ni solu, sahat ma tu bontean;
    Sahat ma hamu leleng mangolu, sahat tu parhorasan dohot tu panggabean

Komentar

Posting Komentar

Postingan populer dari blog ini

UMPASA DOHOT UMPAMA NA MARRAGAM

-
Na mangonai tu guna ni adat dohot uhumna Sinuan bulu, sibahen na las; Sinuan adat dohot uhum, sibahen na horas . Na mangonai tu “kewajiban” mangoloi adat Ompu raja di jolo martungkot sialagundi; Angka na uli tinonahon ni angka ompunta parjolo, si ihuthonon ni hita na di pudi . Na mangonai tu "kepatuhan" taradop raja dohot pasangap hulahula Baris-baris ni gaja di rura pangaloan; Molo marsuru raja dae do so oloan. Di jolo Raja sipareahan Di pudi sipaimaon Na mangonai tu janji (padan ) Habang ambaroba, paihut-ihut rura; Padan naung nidok, ndang jadi mubauba Na mangonai tu arta tean-teanan Niarit tarugi pora-pora; Molo tinean uli, ingkon teanon do dohot gora. Na mangonai tu singir dohot utang Jolo binarbar do sumban, asa binarbar pandingdingan; Jolo nigarar do utang, asa tinunggu parsingiran Molo mauas haluang,laho ma tu dangir-dangir; Molo nungga di udean parutang, ndang margogo be parsingir
Baca selengkapnya

Lirik Lagu Batak Esterlina Beserta Kunci Gitar (Chord)

-
Judul :  Esterlina Penyanyi :  D'BellSing Trio Cipt :   Ronni Pangaribuan Intro: B A D F#m E. 2x *  A                            C#m Dang na lupa au ito                  D dihaburjuan mi           A                        E hasian, nauli lagukku **  A               C#m  Ditopi ni tao i           D tao toba i                   A                             E tung gomos huhaol dagingmi Bridge:                      F#m  D                A Mekkel ho ito, sonang rohai D  ...
Baca selengkapnya

Raja Parhata di Batak (Pembicara dalam Adat Batak)

-
Gambar
  Di     sude ulaon adat na balga (marhata sinamot, marunjuk, mangadathon/mangadati, mangoppoi jabu, mamestahon tambak ni ompu dohot angka na asing pe), sai jumolo dibahen protokol ni hasuhuton do rapot na jempek dohot dongan sabutuhana laho manotophon ise sian nasida na gabe parhata, tar songon on ma pakkataion disi. Protokol ni hasunduton mamungka:  Hamu akka hahadoli dohot anggidoli nami, ia di hita pomparan ni Ompu .... nungnga tahasomalhon, molo masa di hami pomparan ni Ompungta Paitonga ulaon songon na taadopi sadari on, ba hamu hahadoli manang anggidoli ma na gabe Raja Parhata. Nuaeng pe, ba mardos ni tahi ma hamu hahadoli dohot anggidoli manang na ise bahenon muna na gabe Raja Parhata sian hamu. Boti ma! Alus sian hahadoli: Ido tutu anggidoli, toho do na nidokmi. Jadi ala hami do na baruon gabe Raja Parhata di ulaonmuna parpudi, ba ianggo sadari on sian anggidolitta man na gabe Raja Parhata. Boti ma! Hata sian Anggidoli: Tutu doi, hahadoli na nidok...
Baca selengkapnya